Nella lingua della tua città che hai amato incondizionatamente. Sperando che ogni rima baciata possa sfiorare le labbra azzurre del cielo che abiti.
Pi tia…Stefania Sberna
Ma comu po’ ghiessiri ca u stadiu è masculu e avi a vuci di fimminedda?
Ora vi cuntu na storia, na storia troppu bedda.
Quannu traseva o stadiu in Serie A,
cu tutti i cori ca facevunu la-la-la
a n’cettu puntu sinteva sulu na canzuni:
chiuveva do cielu ma trasfummava i jucaturi in liuni.
Ti meritassi na canzuni
ma sugnu chiù bravu a sparari paruluni
perciò ti scrivu na poesia
picchì m’arruodda u modu di parrari di tia.
Iu no sacciu c’aveva di speciali,
sacciu sulu ca senza ddu cantu
sta squatra mancu avissa acchianatu
picchì non diceva sulu nomi
emozionava iddi e nuatri
n’arrizzavanu i canni e ni sintevumu latri.
Latri di gioia ca s’arrubbavanu sorrisi
e vittorie felici.
Ma siccomu ni lassasti due fimmineddi
a mancanza a sintemu menu
picchì l’eco da to vuci viaggia n’te stiddi.
Ti chiamano The Voice, all’inglisi,
ma a nuatri, ca semu catanisi,
ni piaci chiossai a versione nostrana: “A vuci”
perché ni fa pinsari a tia, pichhì sona chiù duci.
(A Stefania Sberna).
