I CuGGini a Catania Mood: “Tachipirina s’uccatta u Catania, non vi scantati. A tifoseria rossazzurra a megghiu do munnu”
Dai lidi della Playa alla prima apparizione in televisione. Una storia magica, quella dei celebri Cuggini, che dalle cabine degli stabilimenti balneari sono arrivati sullo schermo grazie alla loro encomiabile bravura e, soprattutto, liscia. Eh già, quel tocco di umorismo che contraddistingue la personalità catanese. I nostri ospiti odierni, bisogna dirlo, di liscia né hanno davvero tanta, così tanta da mischiare quest’ultima con la loro grande passione: il Calcio Catania. Dalle divertenti imitazioni, al super moviolone stile Processo di Biscardi fino ad arrivare al loro punto forte: le famose pagelle in dialetto catanese, che regalano un sorriso ai supporter rossazzurri anche quando, magari, arriva una sconfitta in campo. Catania Mood ha deciso di interpellare anche loro per fare una bella chiacchierata. Ovviamente nulla di strano, sennonché stavolta saremo noi a seguire il loro stile. Continuate a leggere e capirete il perché. Buona lettura e buon divertimento.
Carusi, ma u sapiti ca siti na fassa? Ma diteci, quannu accumimciasturu a fari sti pagelli catanisi ca fanu scompisciari de risati? Au, non v’affruntati. Cuntatici cu siti, quantu siti, chi faciti. Fozza, ca semu mpaccidderi.
“Ma a tia chi t’interessa!? T’ha squari no? Troppo matelici! Di chiddi ca si sentunu triaca, nuautri inveci semu pa liscìa, macari quannu i cosi vanu stotti. A comunque, luvannu a fassa, anzi senza luvari a fassa, e senza affruntarini, pinsannu a n’vecchiu e bellissimo doppiaggio di Sito Esaurito (Briscola of New York): “no è ca non sapi cuntari…è ca s’affrunta!”. Semu cuGGini (cu du G), ma cucini appiddaveru, ca quannu jeumu o lidu i cosi erunu dui: o faceumu a smunta ppi mangiari oppure faceumu invasione di cabbina, occupannu abusivamente a cabbina vicina cu seggi e tavulini (ci mancava sulu ca a rapeumu); quindi su appoi jungemu macari l’amici di na vita (cuGGini d’adozione) in pratica semu quantu a Gimmania. Sempri o lidu jucaumu o palluni (erumu chiù scassi di Di Cunzolo, Ferrier, Costa e Piperissa) e faceumu a fassa facennu “Il processo di Biscardi” supra i nostri campionati. A n’cettu puntu, u chiu sfacinnatu di tutti, si presenta ndi Sestarete cu n’CD mostrando quant’erumu bbesti e inveci di pigghiarini a pinnacchi ni pigghianu nda trasmissione. Docu ci cuppunu du gionnalisti: Antonio Costa e Valentina Mammino: po primu faceumu specie di imitazioni di Teghini, Micale, Alecci, Bianchetti, Scuderi ecc..; pa sicunna faceumu a Supermoviola (evoluzione del mitico moviolone di Biscardi trasportato dalla sabbia direttamente dentro il Cibali) e appunto…i paggelli. Semu abbonati da assai, e o stadio veramente si sentunu commenti ca tagghiunu i cianchi, quindi i pattiti intra casa erunu na specie di avveare di battute. E fora casa? Non vulennu darici mancu vinti centesimi e paytv e spiddutu u periodo “da parabbola”, ninni eumu in luoghi mistici, unni a zzauddaggine raggiunge u Nivvana: i centri scommessi; posti in cui unu pigghia a dignità e a lassa nda machina, luoghi intra e quali su pari italiano ti taliunu stottu, ca su mprisi ca n’è canusci e t’arusichi a contraddilli si signunu a tagga. Unendo, cusennu, ammiscannu commenti di nuautri e sintuti riri nasciunu i pagelli, di cui e fra dei quali sono suggellate dalla finissima ugola di Turi Privitera: a uci ca jetta uci, a uci catanisi. Appoi sappumu ca che pagelli faceunu a fassa macari i jucaturi, Spolli u primu”.
Ottri a fari scumpisciari, pensu siti bravi macari a tifari. Qual è u rioddu chiu bellu ca aviti di sta passioni po liafanti rossazzurro?
“Ma appiddaveru facemmo scompisciari? Cioè Mariaggrazzia Cucinotta cu De Piero e l’acidduzzu si ponu mettiri i latu a stu puntu, diuretici va. A comunque, nuautri semu tifusi, di chiddi ca hanu sulu u Catania nda testa, chiddi ca su ppiddiri vanu all’estero si pottunu a sciappa ro Catania ppi farisi a fotu che monumenti e a sciappa. Quacche episodio ppi fari du esempi: una ca ha travagghiatu n’annu in America, prima di speddiri Catania – Inter 3-1, ci sunanu i vaddia per fotti schigghi ca sintenu i vicini e fra cuntu ca u staunu attaccaunu; unu, dopo un Livorno – Catania in serie B pareggiato all’uttimu 2-2 dopo 5 minuti di recupero e un rigore inesistente di Protti tri metri fora area, abbiau n’malu pugnu nda potta rumpennula; unu sinni ìu o stadiu pi viririsi Catania – Milan di Coppa Italia (grandissimo gol di Vargas) invece di festeggiare l’anniversario ca zita e si lassanu u jonnu dopu (o quasi); unu ca sta in Spagna durante un prestiggiosissismo Catania – Fondi in serie C s’acchiappau cu tuttu u vicinatu picchi chiddi all’ura da siesta n’araggiununu, uò spieghiccillu c’ava signatu Curiale. U ruoddu chiù bellu è datato 28 maggio 2006: “u spagnolo” trasiu 28 sicunni dopu ca rapenu i canceddi e dopu reci minuti u stadiu già era chinu, meno male ca fici a lotta greco-romana ppi savvarini i classici posti nda curva nodd e pottumu stari assemi; u restu, si sapi. N’autru bello è datato 1997: Catania – Juveterranova Gela, Tiziano Tigna D’Isidoro trasfomma u rigore da vittoria per 1-0 tirannu n’rigore piano, di piatto, rasotera e cintrali: u rigore chiù scandaloso di tutta a storia mondiale do palluni”.
Ne vostri pagelli ancora nata pututu valutari a Voppe, ca a Catanzaro tunnau a ghiucari. Secunnu vuautri è furbu stu carusu? Pò arrisuttari unu bonu pe pleioff ca a furia di gol ni fa abbulari?
“Sappumu ca quannu trasiu n’campu ìu ne difinsuri catanzaroti e ci rissi: “jemuci alleggiu!”. Voppe è spettu ovviamente; u so arrivu a Tore de Grifo cu l’elisoccosso fu spettacolare, l’infottuni fonu tutta spittizza: n’coppu u peri, n’coppu all’ugna ro peri, appoi u rinocchiu, dopu a ginagghia, appoi u itu rossu, accussì nuddu sapi comu joca e s’attrovunu spaisati; cettu, accussì mancu i cumpagni no sanu, però ora ca s’allena, s’aricupigghia e si fa na para d’allenamenti, pa fini i maggiu e pe finali putissi jucari…sempri su c’aruvamu! (cit. Castiglia, barzelletta aereo). Putissi arisuttari comu u tri di mazzi quannu a briscola è a oro, macari picchì fino a ora arisuttau come u tri di mazzi quannu si joca a scupa. Però Voppe è fotti, carusi, sempre a caccia de gol, spesso fatti di fubbizia. Nuautri spiramu di virillu titolare, non tanto ppi iddu, ma picchi vulissi riri ca pi jucari iddu di principiu s’ha fattu giugnu e semu ancora in cossa”.
Tachipirina sinni iu, ma non era n’volu Windigetti pi futtuna. Ma su ‘ccatta stu Catania? Avi sei misi ca parra, ora c’accattamu na pinna a fera e cu 50 centesimi c’abbia a fimma e n’arrinzittamu tutti pari.
“U zu Joè, sulu d’apparecchi, sta spinnennu quantu u stipendiu e u cattellino di Piemmatteri (su iddu è n’jucaturi di palluni nuautri semu u consiglio direttivo dell’unione europea). U Catania su’ccatta su’ccatta! Sta facennu manicu e quattara p’accattarisillu; ma non è facili, primu picchì aveumu tammente tanti debbiti ca puteumu trasiri tranquillamente nda Supellega (chi fangata!); poi t’ha squari atterra a Catania unu che dollari quanti addumanneri sicc’appresentunu, ci furiaunu attonno attipu lapuni; poi appa a cummattiri cu l’Agenzia delle Entrate ca ppi diri sulu pi stampare n’documentu ci vulunu du simani (sempre su non ci spiddenu a catta e l’inchiostro); co cumuni di Mascalucia si misunu d’accoddu ca ci pensa iddu a n’tuppari tutti i scaffi do manto stradale, ci fa fari u gemellaggiu co cumuni di Brooklyn e ci potta a Lady Gaga pa festa di San Vito; infine avanzaunu soddi macari, avvocati, notai, vavveri, bummulari, divessi centri di massaggi cinisi, accune bancarelle da fera o luni, menza via Plebiscito, Turi Sghei e nautri sei. Ora ca in pratica si scudduriau di tutti sti mbrogghi fimma fimma, e comu su fimma! Macari picchì su s’ariva a siddiari e accumincia a abbiari tumpulati, cu du razzu ca pari u cippu unni si tagghia u pisci, astruppia appiddaveru! Avanti va, manca poco, e ni putemu arrizzittari”.
Durici punti cu mister Baldini, ma ni l’ultima partita co Catanzaro, u Catania si fimmau. Vuatri pinsati ca n’te pleioff putemu abbattiri a tutti pari o ca ni putemu scuddari d’arruvari in finali?
“Nuautri spiramu ca ni vota a sotti, picchì na l’uttimi anni nill’ama vistu pettri pettri, na vota sula n’ava jutu bona, co ripescaggio in serie B, e di gran disgraziati s’invintanu a B a 19 squadre, cioè manco nda Corea de Nodd a fanu accussì lodda. Ora, a squattra pari n’fomma, pessimu co Catanzaro sulu picchì Capalai s’addummisciu da megghiu manera, u gruppu c’è, Baddini misi u 4-3-3 e pari c’addivintau Klopp, a squattra joca finicchiedda, Cristiano Ronaddo Russotto ci quagghiau a mennula, Maddonado sta fannu u raggiuneri, Sivvestri cumanna, Sarao cummatti, Webbeck azzicca peri e soprattuto Turi Dall’Olio ca nziva tutti cosi e abbia macari gol, di sta manera putissimu iri avanti; cettu, ci voli futtuna macari ppi friiri du ova, ma su sti ova s’ariunu a friiri come si deve… Appoi ca mossa da “nzivata”, chiù ca battiri tutti pari, i putissimu fari sciddicari”!
Pi chiuriri sta bella intervista va dumannamu bellu messaggiu di mannari a tri protagonisti: uno pa Sigi, uno po zu Joe e uno pi la tifoseria rossazzurra.
“Ma u sapiti ca quannu n’addumannasturu l’intevvista a prima cosa ca pinsamu fu: come ti chiami?…”Mangiaficu Fulippu”; quant’anni c’hai?…”assai n’haiu beddu”; sei maritato?…”si cu to soru!”; o invece no?…”ti rissi si”…. A sicunna fu: a sa quanti errori facemu ora cu sti schifiu di correttori automatici in italiano!
Messaggiu ppa Siggi: Grazie appiddaveru ca ni savvasturu a mattricula. A Catania voli riri assai. Appoi si viri ca siti n’gruppu di Catanisi: c’è chiddu ca è p’amuri da paci, chiddu piliddusu, chiddu ca ci voli mangiari, chiddu ca si paparìa, chiddu ca si senti cacocciula, chiddu ca fa u spettu, e d’autru ca pari ca si fici zitu cu Tacopina. L’impressione però è ca tutti ci tenunu ppi sta magghia.
Messaggiu ppi Tacopina: “Zu Joe! We are very priated that you will addivent the president of Catania! Cut it to eat arancini annunc you will make an arancin with feet, even if you look like a carrammatt. Than you know, the first thing that the catanis fans wants to say to you is: “you have to take out the money!” And we are sure that you are going to build a team with the nooc, and in a few years come back of course (di cussa) in the serie A!!”
Messaggiu pe tifusi? E chi c’ama a diri? A tifoseria do Catania è a megghiu ca c’è in Italia, quindi non c’è nenti chi jungiri se non bello: Fozza Catania”!!!
