Non ni pozzu chiù di sentiri parrari di SIGI e Tacopina,
Parunu na casa fammaceutica e n’medicinali pò duluri da carina.
Ca su fussi veru issunu d’accordu: SIGI produci e a Tacopina si vinni
invece no! I nervi acchiananu e nuddu ni scinni
fino a quannu, intra a casa fammaceutica, cettuni ca parranu assai
s’accordanu e ni levunu da tutti sti guai.
Cà appoi, si sapi, cu è riccu d’amici e scarsu di guai
perciò viritivi, parrati, faciti a paci e lassatini n’da paci.
Cusitivi a ucca e rapitivi u cori
cà non ni vulemu sentiri stori:
n’interessa sulu na cosa, ca u Catania addiventa chinu di soddi
e si leva di sti ‘mbrogghi
ca acchiana n’da B e all’avversari ci facemu…accussì (ni capemu!).
E allura, signore e signori, assittamuni n’de seggi
taliamuni sti spareggi,
gridamu “Fozza Catania”
e speriamo ca acchiana.
Cu SIGI; cu Tacopina o ca soru da za’ Tina: ama trasiri n’da storia dopu sei anni scurusi!
E scrivemula! A facci de ‘mmiriusi.
(fonte foto: calciocatania.it)
